रेल्वेखाली अनोळखीची आत्महत्या

बेळगाव : रेल्वेखाली झोकून देऊन एका अनोळखी युवकाने आत्महत्या केली आहे. मंगळवारी सकाळी काँग्रेस रोडवर मिलिटरी महादेवसमोर ही घटना घडली असून बेळगाव रेल्वे पोलिसांनी सुमारे 35 ते 40 वर्षीय अनोळखीचा मृतदेह ताब्यात घेतला आहे. रविवारी मध्यरात्रीनंतर ही घटना घडली आहे. सोमवारी अनोळखी युवक गंभीर जखमी अवस्थेत रेल्वे रुळाशेजारी आढळला त्याला तातडीने सिव्हिल हॉस्पिटलमध्ये दाखल करण्यात आले. उपचाराचा उपयोग न होता त्याचा मृत्यू झाला. 5 फूट 3 इंच उंची, लालसर वर्ण, अंगाने सुदृढ, उभट चेहरा असे त्याचे वर्णन आहे. त्याच्या उजव्या हातावर इंग्रजीत आय लव्ह गोविंदा- 17-07-2000 असे गोंदलेले आहे. मनगटावर स्टार चित्र तर मानेवर फुलपांखरूचे चित्र गोंदलेले आहे. त्याच्या डाव्या डोळ्याखालीही गोंदलेले असून पायात रबरबँड आहे. त्याने आपल्या अंगावर पिवळे हाफ शर्ट, तपकिरी नाईट पँट परिधान केली आहे. वरील वर्णनाच्या अनोळखी विषयी कोणाला माहिती असल्यास 0831-2405273 या क्रमांकावर संपर्क साधण्याचे आवाहन बेळगाव रेल्वे पोलिसांनी केले आहे.