राज्यस्तरीय ज्युडो स्पर्धा प्रथमच बेळगावात

बेळगाव : बेळगाव जिल्हा हौशी ज्युडो संघटनेतर्फे येत्या शुक्रवार दि. 25 ते रविवार दि. 27 जुलै रोजी बेळगाव शहरात पहिल्या कर्नाटक खुल्या राज्यस्तरीय ज्युडो स्पर्धेचे आयोजन कॉलेज रोड येथील गांधी भवनमध्ये होणार असल्याची माहिती, संघटनेचे उपाध्यक्ष बसवराज कडली पत्रकार परिषदेत दिली. कर्नाटक युवा सबलीकरण व क्रीडा खात्याच्या बेळगाव स्पोर्ट्स हॉस्टेलच्या ज्युडो प्रशिक्षिका रोहिणी पाटील यावेळी बोलताना म्हणाल्या, बेळगाव सारख्या ठिकाणी यापूर्वी कधीही ज्युडो राज्यस्तरीय स्पर्धा भरवली गेली नव्हती. ही स्पर्धा भरवण्यासाठी आम्ही अनेक प्रयत्न केले आहेत, या स्पर्धेमुळे ज्युडो खेळाची आवड व राष्ट्रीय आंतरराष्ट्रीय स्तरावर ज्युडो खेळाडू निर्माण होण्यासाठी या स्पर्धेचे आयोजन करण्यात आले आहे. या स्पर्धेत कर्नाटकातील 32 जिह्यातून 800 ज्युडोपटू सहभागी होणार आहेत. ही स्पर्धा दहा विविध वयोगटात घेतली जाईल. या स्पर्धेत सहभागी होणाऱ्या सर्व खेळाडू आणि अधिकाऱ्यांची निवास व भोजनाची सोय केली जाणार आहे. याप्रसंगी बेळगाव जिल्हा हौशी ज्युडो संघटनेचे उपाध्यक्ष डॉ. प्रकाश मुगळी, कुतुजा मुल्तानी, बसवराज कडली, संयुक्त सचिव अॅड. पूजा गावडे, भैरवी मुजुमदार आदींसह अन्य सदस्य उपस्थित होते.