बेळगाव : फिनिक्स स्कूल आयोजित फिनिक्स चषक आंतरशालेय फुटबॉल स्पर्धेच्या अंतिम सामन्यात सेंट झेवियर संघाने सेंट जोसेफ संतिबस्तवाड संघाचा 3-0 असा पराभव करून फिनिक्स चषक पटकाविला. वसुंधरा चव्हाणला उत्कृष्ट खेळाडू म्हणून गौरविण्यात आले. होनगा येथील फिनिक्स मैदानावरती घेण्यात आलेल्या या स्पर्धेत पहिल्या सामन्यात सेंट झेवियरने, शेख सेंट्रल संघाचा 6-0 असा पराभव केला. या सामन्यात साक्षी चिटगीने 2, वसुंधरा चव्हाणने 1, श्रावणी सुतारने 3 गोल केले. दुसऱ्या सामन्यात झेवियरने मराठी विद्यानिकेतनचा 3-0 असा पराभव केला. या सामन्यात वसुंधरा चव्हाणने 2 तर श्रावणी सुतारने 1 गोल केला. तिसऱ्या साखळी सामन्यात झेवियरने सेंट जोसेफ संघाचा 1-0 असा निसटता पराभव केला. या सामन्यात साक्षात चिटगीने 1 गोल केला. उपांत्यफेरीच्या सामन्यात झेविअरने डीपी संघाचा 2-0 असा पराभव करून अंतिम फेरीत प्रवेश केला. या सामन्यात वसुंधरा चव्हाणने 2 गोल केले. अंतिम सामन्यात झेवियरने सेंट जोसेफ संतिबस्तवाडचा 3-0 असा पराभव केला. या सामन्यात साक्षी चव्हाण, श्रावणी सुतार, जान्वी चव्हाण यांनी प्रत्येकी 1 गोल केला. सामन्यानंतर मान्यवरांच्या हस्ते विजेत्या झेवियर व उपविजेत्या संतिबस्तवाड संघाला चषक व प्रमाणपत्र देऊन गौरविण्यात आले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
