हॉकी स्पर्धेत सेंट जॉन विजेता

बेळगाव : सार्वजनिक शिक्षण खात्यातर्फे घेण्यात आलेल्या हॉकी स्पर्धेत 14 वर्षांखालील मुलींच्या गटात सेंट जॉन स्कूलने विजेतेपद पटकावित जिल्हास्तरीय स्पर्धेसाठी पात्र ठरला आहे. अंतिम सामन्यात सेंट जॉनने विजया इंटरनॅशनल स्कूलचा 3-0 अशा गोलफरकाने पराभव केला. सेंट जॉनतर्फे ओम कुंभार, अंजन धरनट्टी, किरण गिरण्णवर यांनी गोल केले. या संघात ओम कुंभार, अंजन धरनट्टी, किरण गिरण्णवर, संकेत कोळी, मंजुनाथ नेमगौडर, सिद्धार्थ जागनुरी, रोहित पाटील, तनिश भोजण्णवर, नूतन गोडसे, सोहम भोसले आदी खेळाडूंचा समावेश आहे. या संघाला संस्थेचे चेअरमन प्रसाद फिटर, मुख्याध्यापक सिद्धीविनायक बाडकर यांचे प्रोत्साहन, विनोद मोहिते, सुनील देसाई यांचे मार्गदर्शन लाभत आहे.