मजगावमधील शर्यतीत श्री कलमेश्वर प्रसन्न अनगोळ-केदनूरची बैलजोडी प्रथम

बेळगाव : मजगाव येथील बैलगाडी शर्यतीत श्री कलमेश्वर प्रसन्न अनगोळ, केदनूर या बैलजोडीने प्रथम क्रमांक पटकाविला. मजगाव येथे दि. 17 व 18 रोजी रिकामी बैलगाडी पळविण्याची जंगी शर्यत मजगाव शेतकरी संघटनेच्या वतीने आयोजित केली होती. संघ शर्यतीत 48 बैलजोड्या जुंपण्यात आल्या. त्यामध्ये कलमेश्वर प्रसन्न अनगोळ आणि केदनूर यांच्या बैलांनी एक मिनिटात 2071 फूट 10 इंच अंतर बैलगाडी ओढून प्रथम क्रमांक मिळविला. द्वितीय क्रमांक अंजनेय प्रसन्न अलारवाड, भेंडिगिरी यांच्या बैलजोडीने ओढलेले अंतर 2065 फूट. तृतिय क्रमांक जोतिर्लिंग प्रसन्न बेळगुंदी-आजरा या बैलजोडीने ओढलेले अंतर 2062 फूट 7 इंच. अशी एकूण 21 बक्षिसे देवून बैलजोडी मालकांचा सत्कार करून गौरव करण्यात आला. बक्षीस वितरणप्रसंगी शितल रामशेट्टी, अभय अवलकी, आण्णाप्पा गुंडपण्णावर व शर्यत कमिटीचे सर्व सदस्य उपस्थित हेते. यावेळी उपस्थित पाहुण्यांनी शेतकऱ्यांचे कौतुक केले. बैलजोडी पाळणे आता न परवडणारे असल्याने फक्त हौसेखातर बैलजोड्या पाळून परंपरा जपल्याबद्दल त्या सर्व शेतकऱ्यांचे कौतुक आण्णा गुंडप्पण्णावर यांनी केले. सूत्रसंचालन मिथुन हित्तलमनी यांनी तर आभार प्रदर्शन यल्लाप्पा मेणसे यांनी केले.