प्रतिनिधी / बेळगाव
समाजसेविका माधुरी जाधव-पाटील यांनी हिंदवाडी येथील आदर्श विद्यामंदिरमधील विद्यार्थ्यांसाठी कब•ाrचे प्रशिक्षण आयोजित केले आहे. आठवी ते दहावी विद्यार्थ्यांसाठी माधुरी जाधव-पाटील प्रशिक्षण देत आहेत. मुलांनी शारीरिक आणि मानसिकदृष्ट्या सुदृढ राहावे, तसेच क्रीडा प्रकारात प्रावीण्य मिळवावे, या दृष्टिकोनातून त्यांनी प्रशिक्षण देण्याचा निर्णय घेतला आहे. त्यांच्या या कार्यात किणये येथील वीर पाटील यांनीही हातभार लावत विद्यार्थ्यांना आवश्यक क्रीडा साहित्य उपलब्ध करून दिले. विद्यार्थ्यांनी अभ्यासाबरोबरच खेळही खेळावेत, विविध क्रीडाप्रकार आत्मसात करावेत, या उद्देशाने प्रशिक्षणाचे आयोजन करण्यात आले आहे. माधुरी जाधव-पाटील या आदर्श विद्यामंदिरच्या माजी विद्यार्थिनी असून आपल्या शाळेतील नव्या पिढीच्या विद्यार्थ्यांनी क्रीडा प्रकारात प्रावीण्य मिळवून विविध ठिकाणी होणाऱ्या स्पर्धेत यश संपादन करून शाळेचे नाव उंचावावे, या दृष्टिकोनातून त्यांनी हा उपक्रम राबविला आहे. त्यांनी हाती घेतलेल्या या उपक्रमाचे मुख्याध्यापक के. पी. शिवराय, शिक्षिका सुजाता खराडे आणि मनोहर गोरल व विद्यार्थ्यांनी कौतुक केले.
