रमाकांत कोंडुस्कर यांना भाग्यनगर परिसरातून उत्स्फूर्त पाठिंबा

बेळगाव : दक्षिण मतदारसंघातील म. ए. समितीचे अधिकृत उमेदवार रमाकांत केंडुस्कर यांना भाग्यनगरमधून मोठ्या प्रमाणात पाठिंबा मिळू लागला आहे. बुधवारी सकाळी पदयात्रा काढण्यात आली. यामध्ये तरुणांबरोबरच महिला व वृद्धांनीही भाग घेतला. यावेळी महिलांनी त्यांचे औक्षण केले. ठिकठिकाणी फटाक्यांची आतषबाजी करत त्यांचे स्वागत करण्यात आले. रमाकांत कोंडुस्कर यांनी पायामध्ये चप्पल नसताना आतापर्यंत प्रचार केला आहे. भर उन्हातदेखील त्यांनी अनवाणी पायांनी या परिसरात प्रचारफेरी काढली. यामुळे सारेजणच भावुक झाले होते. ऊन लागल्यानंतर सावली शोधणारे अनेकजण असतात. मात्र, भर उन्हात अशाप्रकारे प्रचार केल्यामुळे भाग्यनगर परिसरात हा एक चर्चेचा विषयच झाला होता. कोरोना काळात या व्यक्तीने जीवावर उदार होऊन अनेकांना मदत केली. मयत झालेल्या व्यक्तींवर अंत्यसंस्कार केले. आता चक्क अनवाणी पायांनी प्रचार करत आहेत. त्यामुळे खरा सर्वसामान्यांचा आमदार अशी छबी या परिसरात निर्माण झाली आहे. य् ाा पदयात्रेमध्ये मध्यवर्ती म. ए. समितीचे उपाध्यक्ष बी. ओ. येतोजी, सचिव चंदगडकर, दिनेश आनंदाचे, राजू माने, पवन मॅगेरी, दत्ता शेणवी, रवी जाधव, बेळगाव शिवसेना संपर्क प्रमुख अरविंद नांगनुरी, राजू साखळकर, दीपक गावडे, महादेव राऊळ, पप्पू मुतगेकर, कुंदन चौगुले, अवधुत सामंत, चंद्रकांत शेलार, वसंत दांडेकर, बाळकृष्ण बिर्जे, सचिन मिरजकर, जितेंद्र टेपुगडे, अरुण दळवी, संजय निट्टूरकर, माजी नगरसेवक राकेश पलंगे, राजू जाधव, दामोदर भोसले यांच्यासह कार्यकर्ते मोठ्या संख्येने उपस्थित होते.