कल्लेहोळ येथे दौडला उत्स्फूर्त प्रतिसाद

उचगाव : कल्लेहोळ येथील दुर्गामाता दौडला यावर्षीही युवक युवतींनी उत्स्फूर्तपणे प्रतिसाद दिला. पहाटे पाच वाजल्यापासूनच सर्वत्र भगवेमय वातावरण दिसत होते. छत्रपती शिवाजी महाराजांच्या मूर्तीच्या प्रांगणातून दौडीला सुरुवात करण्यात आली. शिवरायांच्या मूर्तीचे पूजन करण्यात आले. शिवाजी युवक मंडळाचे अध्यक्ष सुभाष मरूचे तसेच धारकऱ्यांच्या नेतृत्वाखाली गावातील प्रमुख रस्त्यावरून दौड काढण्यात आली. रांगोळ्यांचे सडे, भगव्या पताका, ध्वज यामुळे संपूर्ण गाव भगवेमय दिसत होते. दौडला गावातील युवक युवतींनी भरभरून प्रतिसाद दिला.