बेळगाव : बेळगाव रोलर स्केटिंग अकादमी आयोजित प्रजासत्ताक दिनानिमित्त स्केटिंग रॅली मोठ्या उत्साहात पार पडली. गुरूवारी आयोजित केलेल्या या रॅलीला गोवावेस येथील मनपा जलतरण तलावपासून प्रारंभ झाला. प्रारंभी या रॅलीची सुरूवात सुभेदार माणिक भुते यांच्या हस्ते करण्यात आली. यावेळी शिरोडकर, माडिवाले, अशोक गोरे, सुर्यकांत हिंडलगेकर, योगेश कुलकर्णी, मंजुनाथ मंडोळकर, विठ्ठल गंगणे, सक्षम जाधव, क्लिफ्टन बरेटोसह रोलर स्केटिंगचे पदाधिकारी उपस्थित होते. या रॅलीमध्ये 4 ते 16 वयोगटातील सुमारे 50 हून अधिक स्केटिंगपटुंनी भाग घेतला होता. दोन कि. मी. अंतराची ही रॅली प्रजासत्ताक दिनाच्या शुभेच्छा या रॅलीमार्फत देण्यात आल्या. भारत माता की जय, वंदे मातरम या घोषणाही या रॅलीमध्ये देण्यात आल्या.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
