वार्ताहर /सांबरा
बाळेकुंद्री खुर्द येथे नवरात्रोत्सवानिमित्त शुक्रवार दि. 20 रोजी आयोजित महाकुंकुमार्चन कार्यक्रमांमध्ये महिलांनी मोठ्या संख्येने भाग घेतला. श्री चौंडेश्वरी मंदिरासमोर आयोजित कार्यक्रमास सकाळी सहा वाजता सुरुवात झाली. यावेळी 1008 मंत्रांचे सामूहिकरीत्या जप केला. या कार्यक्रमास गावातील महिला मोठ्या संख्येने उपस्थित होत्या. दरवर्षी श्री नवरात्र उत्सव मंडळ व युवराज जाधव मित्रपरिवारातर्फे नवरात्रीनिमित्त विविध कार्यक्रम होतात. गेल्या वर्षापासून महिलांसाठी महाकुंकुमार्चन कार्यक्रमाचेही आयोजन करण्यात येत आहे. या कार्यक्रमास महिला वर्गाचा उत्स्फूर्त प्रतिसाद मिळत आहे.
