अनगोळ शाळा नं. 34 मध्ये पेव्हर्स घालण्याच्या कामाला गती

बेळगाव : अनगोळ येथील सरकारी पूर्ण प्राथमिक मराठी शाळा नं. 34 येथील विकासकामाबद्दल शिक्षकांकडून महापौर शोभा सोमनाचे यांना निवेदन दिले होते. याची दखल घेत महापौरांनी विकासकामे राबविण्याची सूचना संबंधित अधिकाऱ्यांना केली होती. त्यानुसार तेथील विकासकामे हाती घेण्यात आली आहेत. शाळेसमोर ध्वजरोहण करण्यात येणाऱ्या ठिकाणी पेव्हर्स घालून देण्याची मागणी शिक्षकांकडून करण्यात आली होती. याची दखल घेत 15 ऑगस्टपूर्वी सदर विकासकाम राबविणे आवश्यक होते. त्यानुसार पेव्हर्स घालण्याचे काम तातडीने सुरु करण्यात आले. सदर विकासकामांची महापौरांकडून पाहणी करण्यात आली.