सांबरा : कणबर्गी येथील सरकारी मराठी प्राथमिक शाळेच्या गेटसमोर रस्त्याच्या दुतर्फा गतिरोधक बसविल्याने शाळा सुधारणा कमिटी व पालकांतून समाधान व्यक्त करण्यात येत आहे. येथील मुख्य रस्त्याला लागूनच मराठी शाळेची इमारत आहे. या रस्त्यावरून नेहमीच वाहने भरधाव जातात. त्यामुळे विद्यार्थी गेटच्या बाहेर पडल्यानंतर अपघात होण्याचा संभव होता. या रस्त्यावर अपघात होऊ नयेत यासाठी शाळा सुधारणा समिती व पालकांनी महानगरपालिका व संबंधित अधिकाऱ्यांकडे या रस्त्यावर गतिरोधक घालावे, अशी मागणी केली होती. याबाबत वृत्तपत्रांमध्ये सचित्र बातम्याही देण्यात आल्या होत्या. याची दखल घेत व त्यांच्या मागणीनुसार अखेर रस्त्याच्या दुतर्फा गतिरोधक बसविण्यात आले आहेत. त्यामुळे समाधान व्यक्त करण्यात येत आहे. शाळा सुधारणा समिती व पालकांच्या मागणीनुसार महानगरपालिका व संबंधित अधिकाऱ्यांनी धोका ओळखून वेळीच मराठी शाळेसमोरील रस्त्यावर गतिरोधक बसविल्याने महानगरपालिका व संबंधित अधिकाऱ्यांचे एसडीएमसी अध्यक्ष किसन सुंठकर यांनी आभार मानले आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
