आजपासून शोभकृतनाम संवत्सराला प्रारंभ

पणजी : आज गुढी पाडवा! नूतन वर्षाला अर्थात चैत्र महिन्याला प्रारंभ होत असून आजपासून ‘पुऊषोत्तम मास’लादेखील प्रारंभ होत आहे. आजचा दिवस हा शुभ दिवस असून संपूर्ण गोवाभर या ‘संसार पाडव्या’निमित्त पारंपरिक, धार्मिक व सांस्कृतिक कर्यक्रमांचे आयोजन करण्यात आले आहे. घरादाराला तोरणे बांधून व दारात गुढी उभाऊन नूतन वर्षाचे आज घरोनघरी स्वागत करण्यात येणार आहे. नव्या वर्षाची सुऊवातच मुळी कडुनिंबाच्या पानाच्या किंचित कडवट आणि सर्वांगानी औषधी असलेली चटणी प्राशन कऊन होईल. ‘घरादारात पाडवा आणि सर्वांमध्ये वाढवा गोडवा’ असे म्हणून एकमेकांना शुभेच्छा देण्याचेही कार्यक्रम होतील. आजचा दिवस हा हिंदू बांधवांमध्ये एक पवित्र दिवस मानला जातो. वर्षभरातील साडेतीन मुहूर्तांपैकी एक मुहूर्त म्हणून या दिनाचे फार महत्त्व आहे. मंगळवारी गोव्यातील पारंपरिक शिमगोत्सवाची सांगता झाली आणि फाल्गुन महिना देखील संपुष्टात आला. आज बुधवारी सकाळी शोभकृतनाम संवत्सराला प्रारंभ होत आहे. यानिमित्त सर्वत्र धार्मिक कार्यक्रमांचे आयोजन केले आहे तसेच विविध ठिकाणी आज पहाटे मिरवणुका निघणार आहेत.