संगमेश्वरनगर येथील एलअँडटीच्या कार्यालयात सर्प

बेळगाव : संगमेश्वरनगर येथील एलअँडटीच्या कार्यालयात शनिवारी सकाळी सापाचे दर्शन झाल्याने अधिकारी आणि कर्मचाऱ्यांची एकच धावपळ उडाली. त्यानंतर सर्पमित्राने सदर साप पकडून नेल्यानंतर सर्वांचा जीव भांड्यात पडला. सदर सर्प धामीण जातीचा असल्याचे सांगण्यात आले. उष्णतेत वाढ झाली असल्याने विविध ठिकाणी सर्प आढळून येत आहेत. थंड ठिकाणाच्या शोधात सर्प पालापाचोळा, झाडे तसेच गार्डनमध्ये आसरा घेत आहेत. मात्र यामुळे नागरिकांची घाबरगुंडी उडत आहे. संगमेश्वरनगर येथील एलअँडटीच्या कार्यालयात शनिवारी सकाळी अचानक सापाचे दर्शन झाले. सर्प पाहून अधिकाऱ्यांसह कर्मचाऱ्यांची घाबरगुंडी उडाली. काहींनी ही माहिती सर्पमित्राला दिली. काही वेळातच सर्पमित्र घटनास्थळी दाखल झाला. त्याने सापाचा शोध घेऊन पकडले आणि निर्जनस्थळी नेऊन सोडून दिले.