नवी दिल्ली
चालू आर्थिक वर्षाच्या दुसऱ्या तिमाहीत भारतातील प्रमुख आयटी सेवा कंपन्यांची कामगिरी संथ राहणार असल्याचे बोलले जात आहे. यामध्ये काही विश्लेषकांनी सांगितलेले कारण म्हणजे व्यापक आर्थिक आव्हाने व त्याचा जगभरातील खर्चावर करणारे परिणाम हे सांगितले आहे.
18 ऑक्टोबर रोजी विप्रोचे आर्थिक वर्ष 2023-24 यासाठी दुसऱ्या तिमाहीचे निकाल सादर करण्यात येणार आहेत. या क्षेत्राचा मागोवा घेणाऱ्या अभ्यासकांनी या संदर्भात आपला अंदाज व्यक्त केला आहे. मोठ्या आयटी कंपन्यांच्या कामगिरीत हळुहळु सुधारणात्मक स्थिती राहणार असल्याचेही यावेळी त्यांनी स्पष्ट पेले आहे.
मोतीलाल ओसवाल फायनान्शियल सर्व्हिसेसने आपल्या कमाईच्या पूर्वावलोकनात म्हटले आहे की आयटी सेवा उद्योगातील वाढ आर्थिक 2023-24 च्या दुसऱ्या तिमाहीत कमी राहण्याची अपेक्षा आहे कारण व्यापक आर्थिक अनिश्चितता विवेकाधीन खर्चावर दबाव आणते.
शेअरखान बीएनपी परिबास म्हणाले, “आम्ही उच्च भारतीय आयटी सेवा कंपन्यांसाठी तिमाही आधारावर -0.4 टक्के आणि 1.1 टक्के आणि टियर-2 आयटी कंपन्यांसाठी 1.5 टक्के आणि 4.4 टक्के दरम्यान उत्पन्न वाढीचा (स्थिर चलन आधारावर) अंदाज मांडत आहोत.
