86 व्या वषीही स्केटिंगचा उत्साह

इच्छाशक्ती प्रबळ असेल आणि उत्साह भरपूर असेल तर कोणतेही काम करण्यास वय आड येत नाही, हे खरेच आहे. सध्या इन्टाग्रामवरती ‘द ग्रिफिन ब्रदर्स’ या प्लॅटफॉर्मवर 86 वर्षांची एक आजी जोरदार स्केटिंग करताना पहावयास मिळत आहे. त्या आपल्यापेक्षा कितीतरी कमी वयाच्या व्यक्तींसह त्यांच्याइतक्मयाच उत्साहात आणि जोमात स्केटिंग करताना दिसून येतात. या पोस्टला आतापर्यंत साडेनऊ लाखांहून अधिक लाईक्स मिळालेल्या आहेत. स्केटिंग करताना या आजींच्या चेहऱयावर जो आत्मविश्वास झळकत आहे, त्याबद्दल अनेकांनी आश्चर्य व्यक्त केले आहे. त्या रस्त्यातून स्केटिंग करताना प्रत्येक जण त्यांच्याकडे मान वळवून पाहिल्याशिवाय रहात नाही. तरुणालाही लाजवेल अशा कौशल्याने त्या स्वतःचा तोल सांभाळत पायांना लावलेल्या चाकांच्या साहाय्याने अनेकांना मागे टाकत पुढे धाव घेतात. या आजींचे नाव काय हा प्रश्न अनेकांनी इन्स्टाग्रामवर विचारला आहे. अद्याप त्यांचे नाव प्रसिद्ध करण्यात आलेले नाही. तथापि, हा व्हिडिओ खरा आहे, हे सर्वांनीच मान्य केलेले आहे.