बेळगाव : महापालिकेच्या पशुसंगोपन विभागाकडून शहर व उपनगरात मोकाट जनावरांची धरपकड सुज्ञ्च आहे. गुरुवारी पाईपलाईन रोड आणि विनायकनगर येथे एकूण 6 जनावरे पकडण्यात आली. पकडलेल्या जनावरांची रवानगी श्रीनगर येथील गो-शाळेत करण्यात आली आहे. जनावर मालकांना आपली जनावरे शहरात सोडू नयेत अशी सूचना वारंवार केली जात असली तरी त्याकडे दुर्लक्ष केले जात आहे. मोकाट जनावरांमुळे विविध ठिकाणी वाहतूक कोंडी होत आहे. महानगरपालिकेकडून पदपथ आणि दुभाजकावर लावण्यात आलेली शोभेची झाडे मोकाट जनावरांकडून फस्त केली जात आहेत. इतकेच नव्हे तर अनेकवेळा लहान-मोठे अपघातही घडत आहेत. त्यामुळे मोकाट जनावरांचा बंदोबस्त करावा, अशी मागणी गेल्या अनेक वर्षांपासून केली जात असली तरी त्याकडे दुर्लक्ष केले जात होते. त्यामुळे महापालिकेकडून गेल्या 6 दिवसांपासून शहर व उपनगरात मोकाट जनावरांची धरपकड सुरू करण्यात आली आहे. गुरुवारी पाईपलाईन रोड आणि विनायकनगर येथे एकूण 6 जनावरे पकडण्यात आली. सदर जनावरे श्रीनगर येथील गोशाळेत हलविण्यात आली आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
