धारवाड विभागीय संघात बेळगावचे सहा क्रिकेटपटूंची निवड

बेळगाव : कर्नाटक राज्य क्रिकेट संघटना मान्यताप्राप्त धारवाड विभागीय क्रिकेट संघटना आयोजित 19 वर्षाखालील अंतर विभागीय संघात बेळगाव जिह्याच्या सहा क्रिकेटपटूंची धारवाड विभागीय संघात निवड झाली आहे. धारवाड हुबळी येथे घेण्यात आलेला 19 वर्षाखालील क्रिकेट निवड चाचणीत  जवळपास 150 हून अधिक क्रिकेटपटूंनी सहभाग घेतला होता. त्यामध्ये बेळगावच्या होतकरू क्रिकेटपटुंनी आपली चमक दाखवून निवड समितीकडे लक्ष वेधून घेतले होते.यामध्ये सिद्धेश असलकर, आशुतोष हिरेमठ,अथर्व नुली, अद्वेत साठे, सोहम पाटील, मनीकांत बुक्कीटगार या खेळाडूंची धारवाड विभागीय संघात निवड झाली आहे. वरील निवड झालेले सर्व खेळाडू बेंगळूर येथे होणाऱ्या आंतर विभागीय संघासमवेत सामने खेळणार आहेत. वरील सर्व खेळाडूंना धारवाड विभागीय क्रिकेट संघटनेचे माजी समन्वयक बेळगाव स्पोर्ट्स क्लबचे अध्यक्ष अविनाश पोतदार, दीपक पवार, संगम पाटील, बाळकृष्ण पाटील, विजय पाटील, सोमनाथ सोमण्णाचे यांचे  मार्गदर्शन लाभत असून होणाऱ्या सामन्यांमध्ये चमकदार कामगिरी करण्यावर खेळाडूंचे लक्ष राहणार आहे.