बेळगाव : बेळगाव विमानतळावर नव्याने बांधण्यात येत असलेल्या टर्मिनल बिल्डींगसाठी नव्या वीज यंत्रणेची व्यवस्था करण्यात येत आहे. यासाठी नुकतेच हेस्कॉमच्या वरिष्ठ अधिकाऱ्यांनी नव्या विद्युत स्टेशनसाठी जागेची पाहणी केली. विमानतळाच्या आतील भागामध्ये हे स्वतंत्र स्टेशन उभारण्याचा विचार सुरू आहे. विमानतळाचे संचालक त्यागराजन यांनी अधिकाऱ्यांचे स्वागत केले. यानंतर विमानतळ प्राधिकारण व हेस्कॉमच्या अधिकाऱ्यांनी एकत्रितरित्या पाहणी केली. सध्या असलेली वीज यंत्रणा भविष्यात अपुरी पडणार असल्याने नव्या स्टेशनचा विचार केला जात आहे. बेळगाव विमानतळावर सुसज्ज अशी टर्मिनल बिल्डींग उभारली जात आहे. या टर्मिनल बिल्डींगला मोठ्या प्रमाणात वीजपुरवठा गरजेचा असणार आहे. त्यामुळे आतापासूनच हेस्कॉमकडून तयारी केली जात आहे. हेस्कॉमचे वरिष्ठ अधिकारी राठोड व त्यांच्या टीमने जागेची पाहणी केली. विमानतळ प्राधिकरणाने वीज व्यवस्थेसाठी जागा उपलब्ध करून दिली आहे. यावेळी हेस्कॉम व प्राधिकरणाचे अधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
