अहमदनगर येथे होणाऱ्या राज्यस्तरीय पॉवरलिफ्टींग स्पर्धेसाठी सिंधुदुर्गचा संघ रवाना

Sindhudurg team leaves for state level powerlifting competition to be held at Ahmednagar

अहमदनगर येथे दि. 26 व 27 नोव्हेंबरला होणाऱ्या राज्यस्तरीय पॉवरलिफ्टींग स्पर्धेसाठी सिंधुदुर्ग जिल्हा संघ रवाना झाला आहे.अहमदनगर जिल्हा पॉवरलिफ्टींग असोसिएशनद्वारा आयोजित, महाराष्ट्र राज्य सब ज्युनिअर, ज्युनिअर, सिनियर, मास्टर (अनइक्युप) पुरुष व महिला राज्यस्तरीय पॉवरलिफ्टींग स्पर्धेसाठी सिंधुदुर्ग जिल्हा संघ आंतरराष्ट्रीय खेळाडू व सिंधुदुर्ग जिल्हा पॉवरलिफ्टींग असोसिएशनचे सचिव दिलीप नार्वेकर यांच्या नेतृत्वाखाली सहभागी होत आहे. या राज्यस्तरीय पॉवरलिफ्टींग स्पर्धा दि. 26 व 27 नोव्हेंबर रोजी श्रीराम मंगल कार्यालय, नगर रोड, अहमदनगर याठिकाणी आयोजित करण्यात आलेल्या आहेत.

या राज्यस्तरीय पॉवरलिफ्टींग स्पर्धेसाठी सिंधुदुर्ग जिल्हा पॉवरलिफ्टींग संघात, संजय गुरव (57 किलो), कैलास पवार (60 किलो), अभिजित सूर्यकांत कांबळे (57 किलो), शौर्य महाडिक (87 किलो), यश कांबळे (64 किलो), हंबीराव देसाई (78 किलो), ओजस भंडारी (83 किलो), कोच वैभव मुद्राळे आदींचा समावेश आहे. या संघाला अध्यक्ष पुष्कराज कोले, राजू बेग, राजेश घाटवळ, प्रविण नाईक, गणेश मर्गज, विनायक नवार, सिध्देश नाईक, दिपक राऊळ यांनी शुभेच्छा दिल्या आहेत.

वेंगुर्ले (वार्ताहर)-