४ सुवर्ण,७ रजत व ४ कास्य पदके मिळवत सिंधुदुर्गने पटकवला दुसरा क्रमांक
– पोलीस अधीक्षक सौरभ अग्रवाल यांनी केले पोलीस कर्मचाऱ्यांचे अभिनंदन
संदीप गावडे / सिंधुदुर्गनगरी
अलिबाग -रायगड येथे पार पडलेल्या 18 व्या कोकण परीक्षेत्रीय कर्तव्य मेळाव्यामध्ये सिंधुदुर्ग पोलीस दलाच्या टीमने १५ पदकांची कमाई केली आहे. ४ सुवर्ण ,७रजत ,व ४ कास्यपदके पटकावत सिंधुदुर्ग पोलिसांनी दिमाखदार कामगिरी केली व कोकणपरिक्षेत्रामध्ये दुसरा क्रमांक पटकावला आहे. याबद्दल जिल्हा पोलीस अधीक्षक सौरभ अग्रवाल यांनी सर्व स्पर्धक पोलिसांचे खास अभिनंदन केले आहे.रायगड , रत्नागिरी, सिंधुदुर्ग ,ठाणे ग्रामीण व पालघर या पाच जिल्ह्यांनी कोकण परिक्षेत्रीय कर्तव्य मेळाव्यात सहभाग घेतला होता. सिंधुदुर्ग पोलीस दलातून १८ जणांची टीम सहभागी झाली होती.
शास्त्रीय उपकरणे तपासणी ( सायंटिफिक एड्स इनव्हिस्टिगेशन ) मध्ये सहायक पोलीस निरीक्षक बळीराम सुतार यांना एक रजत, पोलीस उपनिरीक्षक समीर भोसले यांना एक सुवर्ण ,एक रजत ,महिला पोलीस उपनिरीक्षक धनश्री पाटील यांना एक सुवर्ण, दोन रजत, पोलीस नाईक कमलेश सोनवणे यांना एक सुवर्णपदक ,पोलीस फोटोग्राफीमध्ये पोलीस हेड कॉन्स्टेबल संतोष सावंत एक सुवर्ण ,पोलीस व्हिडिओग्राफी मध्ये पोलीस नाईक संकेत खाड्ये यांना एक कास्य , घातपात विरोधी तपासणी ( अँटी सबटज चेक ) मध्ये पोलीस नाईक शिरीष तळेकर यांना एक कांस्यपदक, पोलीस नाईक राहुल काळे यांना एक कास्यपदक ,कॉम्प्युटर अवरनेस मध्ये पोलीस कॉन्स्टेबल स्वप्निल तोरस्कर यांना एक रजत व एक कांस्यपदक, डॉग् स्कॉड या प्रकारामध्ये डॉग मायलो याचे हस्तक पोलीस हेड कॉन्स्टेबल निखिल चव्हाण व शेखर मोरजकर यांना प्रत्येकी एक रजक पदक व डॉग ब्रावो यांचे हस्तक पोलीस कॉन्स्टेबल रुपेश परब व पोलीस नाईक सिद्धेश कांदळगावकर यांना प्रत्येकी एक रजत पदक अशी चार सुवर्ण सात रजत चार कास्य असे एकूण 15 पदके मिळून कोकणपरिक्षेत्रामध्ये सिंधुदुर्ग पोलीस दलाला दुसरा क्रमांक आलेला आहेे . या यशस्वी कामगिरी बद्दल पोलीस अधीक्षक सौरभ अग्रवाल व अपर पोलीस अधीक्षक नितीन बगाटे यांनी खास अभिनंदन केले आहे. व सर्वांचा गौरव पोलीस प्रशासनाच्या वतीने करण्यात आला आहे. .
