सिंधुदुर्ग जिल्हा मा.अध्यापक पतपेढी सिंधुदूर्गनगरीतर्फे प्रा. सुषमा मांजरेकरांचा सत्कार

सिंधुदुर्ग जिल्हा माध्यमिक अध्यापक पतपेढी सिंधुदूर्गनगरीतर्फे महाराष्ट्र शासनाचा सावित्रीमाई फुले आदर्श शिक्षक पुरस्कार प्राप्त झाल्याबद्दल विद्या विहार इंग्लिश स्कूल व कनिष्ठ महाविद्यालयाच्या शिक्षिका प्रा. सुषमा मांजरेकर यांचा स्मृतिचिन्ह, शाल व श्रीफळ देऊन सत्कार करण्यात आला. सिंधुदुर्गनगरी येथील पतपेढीच्या सभागृहात हा कार्यक्रम झाला. राज्य शासनाचा गतवर्षीचा आदर्श पुरस्कार विजेते नंदन घोगळे, गुणवंत विद्यार्थी व निवृत्त शिक्षक गुरुनाथ पेडणेकर, संतोष वैज व अन्य निवृत्त शिक्षकांचा सत्कार करण्यात आला. यावेळी चेअरमन संजय वेतुरेकर, व्हॉईस चेअरमन प्रा. सुमेधा नाईक, संचालक प्रदीप सावंत, आशिष शिरोडकर तसेच दीपक तारी उपस्थित होते.