सावंतवाडी । प्रतिनिधी
सिंधुदुर्ग जिल्हा ग्रंथालय संघाच्या वतीने दरवर्षी देण्यात येणारे आदर्श ग्रंथालय , आदर्श ग्रंथालय कर्मचारी, आदर्श ग्रंथालय कार्यकर्ता असे पुरस्कार देण्यात येतात. सन 2024 – 25 या सालातील आदर्श ग्रंथालय पुरस्कार सावंतवाडी तालुक्यातील श्री समर्थ साटम महाराज वाचन मंदिर दाणोली , कुडाळ येथील ज्ञानदीप वाचनालय आणि ग्रंथ संग्रहालय गोवेरी यांना जाहीर झाले आहेत. तर आदर्श ग्रंथालय कार्यकर्ता पुरस्कार जिल्हा ग्रंथालय संघाचे माजी अध्यक्ष अनंत आप्पाजी वैद्य आणि कुडाळ व नेमळे येथील ग्रंथालयचे अध्यक्ष आत्माराम भिकाजी राऊळ यांना तर ग्रंथालय कर्मचारी सेवक पुरस्कार वेंगुर्ले येथील नगर वाचनालय वेंगुर्ल्याचे कर्मचारी किशोर भगवान सावंत व कळणे येथील ग्रंथालयाचे कर्मचारी श्रीमती सुनिता भिसे यांना जाहीर करण्यात आला आहे. या पुरस्कारसाठी समिती गठीत करण्यात आली होती. या समितीची बैठक आज 25 डिसेंबरला जिल्हा ग्रंथालय संघामध्ये घेण्यात आली. यावेळी हे पुरस्कार जाहीर करण्यात आले. यावेळी समितीचे अध्यक्ष व जिल्हा ग्रंथालय संघाचे अध्यक्ष मंगेश मस्के ,सचिव राजन पांचाळ., सहसचिव महेश बोव लेकर, संचालक ऍड संतोष सावंत आदी उपस्थित होते या पुरस्काराचे वितरण माणगाव येथे होणाऱ्या जिल्हा ग्रंथालय संघाच्या अधिवेशनामध्ये 29 डिसेंबरला सकाळी दहा वाजता माणगाव वाचनालय येथे होणार आहे. या अधिवेशनात ग्रंथालय व ग्रंथालय कार्यकर्ता.आधी पुरस्कारप्राप्त व सर्व ग्रंथालय कर्मचारी , संचालक यांनी उपस्थित रहावे असे आवाहन करण्यात आले आहे.
