बेळगाव : दिल्ली येथे घेण्यात आलेल्या खेलो इंडिया पॅरा क्रिडा महोत्सवात बेळगाव हेस्कॉमचे अधिकारी संजीव हमण्णावर यानी टेबल टेनिसमध्ये अंतिम फेरीत हरियाणाच्या नागेश नदारकडून पराभव पत्करावा लागला. त्याना रौप्य पदकावर समाधान मानावे लागले. दिल्ली येथील आयजी स्टेडीयमवर घेण्यात आलेल्या खेलो इंडिया पॅरा क्रीडा महोत्सव राष्ट्रीय टेबल टेनिस स्पर्धेत उप-उपांत्यपूर्व फेरीच्या सामन्यात संजीव हमण्णावर यानी उ. प्रदेशच्या अनुषील अग्रवाल याचा 3-1 अशा सेटने पराभव करून उपांत्यपूर्व फेरीत प्रवेश केला. उपांत्यपूर्व फेरीत संजुने दिल्लीच्या रमेशचा 3-0 असा पराभव करून उपांत्यफेरीत प्रवेश केला. उपांत्यफेरीत कर्नाटकाच्या संजु हजारीचा 3-0 असा पराभव करून अंतिम फेरीत प्रवेश केला. मात्र अंतिम फेरीत हरियाणाच्या योगेश नदारकडून 3-1 असा पराभव पत्कारत रौप्य पदाकावर समाधान मानावे लागले. या स्पर्धेत योगेश नदारने विजेतेपद पटकाविले. संजु हमण्णावर हे केपीटीसीएल हेस्कॉमचे कार्यकारी अभियंता असून त्यांना टेबल टेनिस प्रशिक्षक बैलूर यांचे मार्गदर्शन लाभत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
