घटप्रभा चेकपोस्टवर 13 लाखांचे चांदीचे दागिने जप्त

बेळगाव : गोकाक तालुक्यातील घटप्रभा चेकपोस्टवर बसमधून प्रवास करणाऱ्या एका इसमाच्या ताब्यातून 15 किलो चांदीचे दागिने जप्त करण्यात आले. बुधवारी ही कारवाई करण्यात आली.बस अडवून प्रवाशांची तपासणी करताना एका प्रवाशाच्या बॅगमध्ये 15 किलो चांदीचे दागिने आढळून आले. त्यांची किंमत 13 लाख रुपये इतकी होते. या दागिन्यांची वाहतूक करण्यासंबंधीची आवश्यक कागदपत्रे संबंधितांकडे नव्हती. त्यामुळे ते जप्त करण्यात आल्याची माहिती पोलीस अधिकाऱ्यांनी दिली.