वृत्तसंस्था/ जिनजू (कोरिया)
येथे सुरु असलेल्या आशियाई वेटलिफ्टिंग चॅम्पियनशिप स्पर्धेत शनिवारी भारताची महिला वेटलिफ्टर बिंदियाराणी देवीने 55 किला वजन गटात रौप्यपदक पटकाविले.
राष्ट्रकुल स्पर्धेत रौप्यपदक मिळविणाऱ्या बिंदियाराणी देवीने कोरियातील या स्पर्धेत स्नॅच या प्रकारात 83 किलो तर क्लिन आणि जर्कमध्ये 111 किलो असे एकूण 194 किलो वजन उचलत रौप्यपदक पटकाविले. बिंदियाराणी देवीने स्नॅचमध्ये पहिल्या दोन प्रयत्नात अनुक्रमे 80 आणि 83 किलो वजन उचलले होते. मात्र वेटलिफ्टिंग या क्रीडा प्रकारात ऑलिंपिक स्पर्धेकरिता 55 किलोचा वजन गट राहणार नाही. बिंदियाराणी देवी आता पुढील वर्षी होणाऱ्या पॅरिस ऑलिंपिक स्पर्धेसाठी 59 किलो वजन गटात सहभागी होईल. गेल्या वर्षी झालेल्या विश्व वेटलिफ्टिंग चॅम्पियनशिप स्पर्धेत बिंदियाराणी देवीला 25 व्या स्थानावर समाधान मानावे लागले होते.
