खेलो इंडिया कुस्ती स्पर्धेत ओम घाडीला रौप्यपदक

बेळगाव : उत्तर प्रदेश येथे खेलो इंडिया इंटरसाई राष्ट्रीय कुस्ती स्पर्धेत बेळगावचा मल्ल ओम घाडी याने 48 किलो वजनी गटात रौप्यपदक पटकाविले आहे. ओम घाडीने पहिल्या कुस्तीत पंजाबच्या अमरसिंगवर 8-2 अशा गुणफरकाने पराभव करुन उपांत्य पूर्व फेरीत प्रवेश केला. उपांत्य पूर्व फेरीत ओमने उत्तर प्रदेशच्या हिमांशुवर 10-3 अशा फरकाने पराभव करुन उपांत्य फेरीत प्रवेश केला. उपांत्य फेरीत ओमने महाराष्ट्रच्या करिशला 9-7 अशा गुण फरकाने पराभव करुन अंतिम फेरीक धडक मारली. पण अंतिम सामन्यात कर्नाटकाचा अव्वल मल विकासकडून ओमला 7-5 अशा गुण फरकाने पराभव व्हावे लागले. ओमला या स्पर्धेत रौप्यपदकावर समाधान मानावे लागले. ओम घाडी हा धारवाडच्या ऑल इंडिया साई सेंटरमध्ये सराव करीत असून एनआयएस कुस्ती प्रशिक्षक राम बुडकी व मारुती घाडी यांचे मार्गदर्शन लाभत आहे.