मास्टर्स जलतरण स्पर्धेत सिद्धलिंगप्पा यांची चमक

बेळगाव : धारवाड येथे पॅन इंडिया मास्टर्स गेम्स फेडरेशन यांच्यातर्फे घेण्यात आलेल्या खुल्या राष्ट्रीय मास्टर्स जलतरण स्पर्धेत हेस्कॉमचे अधिकारी सिध्दलिंगप्पा अंगडी यांनी एक सुवर्ण, दोन रौप्य व एक कास्यपदकाची लयलूट केली आहे. धारवाड येथे घेण्यात आलेल्या पॅन इंडिया मास्टर्स गेम्स फेडरेशनतर्फे खुल्या राष्ट्रीय मास्टर्स जलतरण स्पर्धेत 40 वर्षांवरील गटात बेळगाव हेस्कॉमचे अधिकारी सिद्धलिंगप्पा अंगडी यांनी एक सुवर्ण, दोन रौप्य व एक कास्यपदक पटकावले. सिद्धलिंगने 100 मी. बॅक स्ट्रोक मध्ये सुवर्ण, 50 व 100 मी. फ्री स्टाईलमध्ये दोन रौप्य तर 50 मी. ब्रेस्ट स्ट्रोकमध्ये कास्य पदक मिळविले. या केलेल्या उल्लेखनीय कामगिरीबद्दल दक्षिण विभागाचे हेस्कॉमचे साहाय्यक कार्यकारी अभियंते व टेबल टेनिसपटू संजीव हमण्णावर यांच्यासह पदाधिकाऱ्यांच्या हस्ते सिद्धलिंगप्पा अंगडी यांचा खास सन्मान करण्यात आला.