श्रीपाद रावची आंतरराष्ट्रीय प्रशिक्षकपदी बढती

बेळगाव : बेळगाव जिल्हा येथील प्रसिद्ध तायक्वांदो तज्ञ, प्रशिक्षक, भारतीय वायुसेनेचे तायक्वांदो मास्टर श्रीपाद राव यांना वर्ल्ड तायक्वांदो संघटनेने लेव्हल 2 आंतरराष्ट्रीय तायक्वांदो प्रशिक्षक बढती मिळाली आहे. तायक्वांदो मास्टर श्रीपादराव यांच्यासह जगभरातील संबंधित राष्ट्रीय फेडरेशनने शिफारस केलेल्या आंतरराष्ट्रीय तायक्वांदो प्रशिक्षक लेव्हल-1 ग्रेडच्या एकूण 11 रँकधारक उमेदवारांनी जानेवारीत प्रशिक्षण शिबिरात भाग घेतला होता. वर्ल्ड तायक्वांदोद्वारे आयोजित केलेल्या नियोजित ऍडव्हान्समेंट कोर्स मध्ये भाग घेतला. सात दिवसीय शिबीराच्या अभ्यासक्रमामध्ये जागतिक तायक्वांदो फेडरेशनचे नियम आणि शासन, स्पर्धा नियम आणि त्याचे  वैद्यकीय निगा आणि ऑंटी-डोपिंग, अॅथलेटिक सुरक्षा, क्रीडा मानसशास्त्र, खेळ व्यवस्थापन आणि प्रशिक्षण कौशल्ये असे विषय समाविष्ट होते. यापूर्वी 2020 मध्ये,  तायक्वांदो मास्टर राव यांनी लेव्हल-1 आंतरराष्ट्रीय प्रशिक्षक परीक्षा उत्तीर्ण केली आणि या कामगिरीबद्दल कर्नाटक सरकारने त्यांचा सत्कार केला होता. तसेच जून 2023 मध्ये, दक्षिण कोरिया प्रजासत्ताकच्या क्रीडा, संस्कृती आणि पर्यटन मंत्रालयाच्या पूर्ण प्रायोजकत्वासह सोल आणि मुझू येथे आयोजित पार्टनरशिप तायक्वांदो प्रोग्राम साठी वर्ल्ड तायक्वांदो महासंघ कडून भारतीय मास्टर्स पैकी एक म्हणून निवडून, यांनी सहभाग घेतले होते.