श्रीपादभाऊंचा आज वाढदिवस

तिसवाडी : केंद्रीय मंत्री श्रीपाद येसो नाईक यांचा वाढदिवस सोहळा आज शनिवार, दि. 4 रोजी सकाळी त्यांच्या जुने गोवे येथील निवासस्थानी साजरा होणार आहे. हा सोहळा त्यांच्या राजकीय, सांस्कृतिक आणि सामाजिक कार्याचा गौरव करणारा ठरणार आहे, अशी माहिती खोर्लीचे जिल्हा पंचायत सदस्य सिद्धेश नाईक यांनी पत्रकार परिषदेत दिली. सोहळ्यामध्ये स्थानिक नेते, कार्यकर्ते आणि नागरिक मोठ्या संख्येने उपस्थित राहणार असून यावेळी श्रीपादभाऊंच्या आरोग्य आणि नवनिर्मिती क्षेत्रातील योगदानाबद्दल चर्चा होईल. कार्यक्रम सकाळी 10 वाजता सुरू होईल आणि दुपारी 1 वाजेपर्यंत चालेल. मुख्यमंत्री डॉ. प्रमोद सावंत हे विविध कार्यक्रमांचे उद्घाटन करणार आहे. राज्यसभा खासदार सदानंद शेट तानावडे, भाजप प्रदेशाध्यक्ष दामु नाईक, संत साहित्याचे ज्येष्ठ अभ्यासक डॉ. गोविंद काळे, कृषीमंत्री रवी नाईक, जलस्रोतमंत्री सुभाष शिरोडकर, कला व संस्कृतीमंत्री रमेश तवडकर, सार्वजनिक बांधकाममंत्री दिगंबर कामत व इतर उपस्थित असणार आहेत. समर्पण ग्रंथ प्रकाशन सोहळा, गौरव सोहळा आणि आशीर्वचन सोहळाचे प्रमुख पाहुणे पुज्य स्वामी गोविंददेव गिरि महाराज असणार आहे.