सुरेश गडकरी क्रिकेट चषक स्पर्धा
बेळगाव : आनंद क्रिकेट अकादमी आयोजित सुरेश गडकरी चषक 13 वर्षांखालील आंतरकॅम्प क्रिकेट स्पर्धेत श्रीदुर्गा स्पोर्ट्स अकादमी हुबळीने एसकेईचा 4 धावांनी तर आनंद अकादमीने रॉजर क्लबचा 6 गड्यांनी पराभव करुन प्रत्येकी 2 गुण मिळविले. सिद्धार्थ टी. व कबीर पठाण यांना सामनावीर पुरस्कार देण्यात आला. भुतरामहट्टी येथील भगवान महावीर मैदानावर खेळविण्यात आलेल्या पहिल्या सामन्यात श्री दुर्गा स्पोर्ट्स अकादमीने प्रथम फलंदाजी करताना 25 षटकात 6 गडी बाद 145 धावा केल्या. त्यात सिद्धार्थ टी.ने 14 चौकारासह 73 धावा केल्या.
एसकेईतर्फे समर्थ वाजंत्रीने 3 गडी बाद केले. प्रत्युत्तरादाखल खेळताना एसकेईने 25 षटकात 5 गडी बाद 141 धावा केल्या. त्यात श्रेयश पी.ने 8 चौकारांसह 49 तर दक्ष शेरेगारने 4 चौकारांसह 22 धावा केल्या. हुबळीतर्फे चरणने 2 गडी बाद केले. दुसऱ्या सामन्यात रॉजर क्लबने प्रथम फलंदाजी करताना 14.2 षटकात सर्वगडी बाद 48 धावा केल्या. त्यात आसीफने 12 तर प्रितमने 10 धावा केल्या. आनंदतर्फे कबीर पठाणने 4 गडी बाद केले. प्रत्युत्तरादाखल खेळताना आनंद अकादमीने 8.3 षटकात 4 गडी बाद 53 धावा करुन सामना 6 गड्यांनी जिंकला. त्यात अंगद दळवीने 11, सात्विक मादाळीने 10 धावा केल्या.
