आजपासून श्री दामोदर सप्ताह

वास्को : मुरगांवातील प्रसिद्ध श्री दामोदर भजनी सप्ताह उत्सवाला आज मंगळवारपासून प्रारंभ होत आहे. दुपारी 12.30 वा. जोशी कुटुंबीयांतर्फे श्री दामोदराच्या चरणी श्रीफळ अर्पण करून 24 तासांच्या अखंड भजनी सप्ताहाला सुऊवात होईल. बुधवारी दुपारी गोपाळ काल्याने या उत्साची उत्साहात सांगता होईल. अखंड 24 तासांच्या भजनाला भजनी कलाकर अशोक मनोहर मांद्रेकर यांच्या गायनाने प्रारंभ होणार आहे. रविवारी संध्याकाळी श्री दामोदर भजनी सप्ताह उत्सव समितीने या उत्सवासंबंधी सविस्तर माहिती दिली. यावेळी केंद्रीय समितीचे अध्यक्ष प्रशांत जोशी, उत्सव समितीचे अध्यक्ष विष्णू गारूडी, सचिव विनायक घोंगे, खजिनदार दामू कोचरेकर व रघुनाथ खोब्रेकर उपस्थित होते. सप्ताहाच्यानिमित्ताने शहरासह अवघ्या मुरगाव तालुक्यातील सारे वातावरण दामबाबमय होऊन गेले आहे.