येळ्ळूर क्रीडा स्पर्धेत श्री चांगळेश्वरीचे यश

बेळगाव : सार्वजनिक शिक्षण खात्याच्यावतीने घेण्यात आलेल्या येळ्ळूर विभागीय क्रीडा स्पर्धेत चांगळेश्वरी स्कूलच्या खेळाडूंनी विविध प्रकारात घवघवीत यश मिळविले आहे. शिवाजी विद्यालय येळ्ळूर येथे येळ्ळूर विभागीय क्रीडा स्पर्धामध्ये श्री चांगळेश्वरी शिक्षण मंडळ संचालित श्री चांगळेश्वरी हायस्कूलच्या मुला-मुलींनी भाग घेतला होता. त्यामध्ये मुलांच्या खो-खो मध्ये विजेतेपद तर व्हॉलिबॉल मध्ये उपविजेतेपद पटकाविले. रिले स्पर्धेत मुलींनी द्वितीय क्रमांक पटकविला. खो-खो व थ्रोबॉलमध्ये मुलींनी उपविजेतेपद पटकाविले. वैयक्तिक 100 मी. धावणे स्पर्धेत दिनेश बीजगरकरने प्रथम, 200 मी. मध्ये आदिती बिजगरकरने तृतीय तर 800 मी. मध्ये सुमित बसरीकट्टी प्रथम, निलेश कणबरकर द्वितीय, आदित्य घाडी तृतीय, स्नेहा कुगजी 1500 मी. मध्ये प्रथम आणि मनश्री कुगजी तृतीय तर मुलांच्या गटात समर्थ कणबरकर तृतीय, रेश्मा कुगजीने 3000 मी. मध्ये प्रथम तर जयश्री कुगजीने तृतीय क्रमांक पटकाविला. उंच उडीमध्ये दिनेश बिजगरकर, स्नेहा लोहार तृतीय, निलेश कणबरकर तृतीय, थाळीफेकमध्ये आदिती गोरल तृतीय, तिहेरी उडीत रेश्मा कुगजी प्रथम, निलेश कणबरकर द्वितीय आणि समर्थ कणबरकर तृतीय तर योगामध्ये कुशाली कदम प्रथम, करुणा मजुकर द्वितीय, कुस्तीमध्ये अक्षरा गुरव प्रथम, मानसी कुगजी द्वितीय, हातोडाफेकमध्ये समर्थ बेडरे प्रथम, सुमित बसरीकट्टी द्वितीय, थाळीफेकमध्ये मानव धामणेकरने प्रथम क्रमांक पटकावला. या विद्यार्थांना मुख्याध्यापक ए.डी. धामणेकर, क्रीडा शिक्षक एम. एम. डोंबले, टी.एस. बोकडेकर यांचे मार्गदर्शन तर संस्थेचे अध्यक्ष वाय. एन. मजुकर, सचिव प्रसाद मजुकर यांचे प्रोत्साहन लाभत आहे.