प्रतिनिधी /पणजी
वन म्हवळींगे येथील श्री कालिका देवस्थानात श्रावण महिन्यातील पहिला शुक्रवार 29 जुलै रोजी देवस्थानक समितीतर्फे विविध धार्मिक तसेच सांस्कृतिक कार्यक्रमाने साजरा करण्यात येणार आहे. वर्षभर कालिका देवस्थानत विविध कार्यक्रम साजरे केले जातात त्यातीलच एक कार्यक्रम म्हणजे श्रावण महिन्यातील शुक्रवार श्रावण महिन्यातील सर्व शुक्रवार मोठय़ा उत्साहाने साजरे केले जातात.
श्रावण महिन्यातील पहिला शुक्रवार 29 जुलै रोजी आला असून देवस्थान समितीतर्फे हा सुक्रवार साजरा करण्यात येणार आहे. सकाळी अभिषेक, व धार्मिक कार्यक्रम, संध्याकाळी 7 वाजता महिलांतर्फे समई प्रज्वालन व पुजन होणार आहे.
रात्री 8 वाजता भजनाचा कार्यक्रम होणार आहे. यात पं. चंद्रकात वेर्णेकर, प्रकाश कातकर, विश्वास चारी, उदेश कारेकर, विनायक चिबडे, देविदास कारेकर, गायन सादर करतील त्यांना संवादीनीवर जेष्ठ संवादिनीसाथ पांडुरंग गावकर तर तबल्यावर राजन चारी साथ करणार आहेत. रात्री दहा वाजता महाआरती होतील उत्सवाचे यजमानपद श्री व सौ. मनोहर रामा कालेकर भुषवितील. कार्यक्रमाला भावीकांनी मोठय़ा संखेने उपस्थित रहावे असे देवस्थान समितीतर्फे कळविण्यात आले आहे.
