बेळगाव : मुंबई येथील कांदिवली स्पेशल ऑलिम्पिक भारत राष्ट्रीय पॅरा जलतरण स्पर्धेत बेळगावच्या स्वीमर्स व ऍक्क्वेरिया क्लबच्या खेळाडू श्रनया कुंभार व सुप्रिया शिंदोळकर यांनी पॅरा राष्ट्रीय स्तरावर बेळगावचे नाव कोरले आहेत.कांदिवली मुंबई येथील एस व्ही जलतरण तलावात घेण्यात आलेल्या राष्ट्रीय पॅरा जलतरण स्पर्धेत श्रनया कुंभारने एस-14 या गटात 50 मी बटरफ्लॉय प्रकारात सुवर्ण तर 50 मीटर मिक्ष स्पर्धेत रौप्य पदक पटकाविले तर सुप्रिया शिंदोळकरने एस-14 गटात 100 मी फ्रीस्टाइल, 50 मीटर बटरफ्लॉय, व मिक्ष रिले स्पर्धात तीन रौप्य पदक पटकावली. श्रनया व सुप्रिया यांनी एक सुवर्ण चार रौप्य पदकांची कमाई केली.या दोन्ही जलतरणपटूंना जलतरण प्रशिक्षक उमेश कलगटगी, अक्षय शेरेगार, अजिंक्य मेंडके, नितीश कडूचकर,गोवर्धन काकतीकर, इमरान उजगावकर यांचे मार्गदर्शन लाभत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
