लोणावळा / प्रतिनिधी
महाराष्ट्रीय मंडळातर्फे क्रीडा, शैक्षणिक व सामाजिक क्षेत्रात उल्लेखनीय कामगिरी करणाऱ्या व्यक्तींना देण्यात येणारा पॅप्टन शिवरामपंत दामले पुरस्कार यंदा माजी कसोटीपटू चंदू बोर्डे यांना जाहीर करण्यात आला आहे.
पुरस्काराचे हे 26 वे वर्ष असून ऊपये 25 हजार रोख, मानचिन्ह, शाल व श्रीफळ असे या पुरस्काराचे स्वरूप आहे. येत्या रविवारी, 3 सप्टेंबर रोजी सकाळी साडेदहा वाजता, महाराष्ट्रीय मंडळाचे मुकुंदनगर येथील सकल ललित कलाघर येथे होणाऱ्या समारंभात ज्येष्ठ उद्योजक, प्राज इंडस्ट्रीजचे संस्थापक-अध्यक्ष व भारताचे इथॅनॉल मॅन अशी ओळख असेलेले डॉ. प्रमोद चौधरी यांच्या हस्ते पुरस्कार प्रदान करण्यात येईल, अशी माहिती महाराष्ट्रीय मंडळाचे सरकार्यवाह रोहन दामले यांनी दिली.
योगाचार्य बी. के. एस. अय्यंगार, हिंदकेसरी गणपतराव आंदळकर, क्रीडा प्रशिक्षक गुरबंस कौर, भीष्मराज बाम, ग्रँडमास्टर अभिजित कुंटे हे या प्रतिष्ठित पुरस्काराचे याआधीचे मानकरी आहेत.
