तरुणभारत ऑनलाइन टीम
सध्या मराठी इंडस्ट्रीमध्ये लगीनघाई सुरु झाली आहे. लवकरच विराजस कुलकर्णी आणि शिवानी रांगोळे हे लग्नबंधनात अडकणार आहेत. येत्या ७ मे ला त्यांचं लग्न आहे. आणि म्हणूनच शिवानीची खास मैत्रीण सानियाने शिवानी आणि विराजसला घरी केळवणासाठी बोलावलं आहे. सानियाने आपल्या इंस्टाग्राम स्टोरी मध्ये केळवणाचे फोटो शेअर केले आहेत. इ टाइम्स च्या वृत्तानुसार सानियाने विवाहित जोडप्याला तिच्या घरी जेवणासाठी आमंत्रित केले आणि त्यांच्यासाठी स्वादिष्ट पाककृती बनवल्या होत्या. या केळवणाचे काही फोटो सानियाने इंस्टाग्रामवर शेअर केले असून त्यावर केळवण असं लिहलं आहे. हेच फोटो शिवानी आणि विराजसने देखील आपल्या इंस्टाग्राम अकाउंट वर शेअर केले आहेत.
