एकाचवेळी दोघींची निवड:पालकमंत्री उदय सामंत यांच्याकडून कौतुक
रत्नागिरी प्रतिनिधी
राज्य शासनाच्यावतीने देण्यात येणाऱ्या मानाच्या शिवछत्रपती राज्य क्रीडा पुरस्कारासाठी रत्नागिरी जिल्ह्यातील उत्कृष्ठ, आंतराष्ट्रीय खो-खो पटू आरती अनंत कांबळे, अपेक्षा अनिल सुतार या दोघींची राज्य निवड समितीने नामांकने जाहीर केली आहे. लवकरच राज्य शासनामार्फत शिवछत्रपती राज्य क्रीडा पुरस्कारांची अधिकृत घोषणा करण्यात येणार आहे. मात्र एकाच वेळी खो-खोच्या दोन खेळांडूना शिवछत्रपती राज्य क्रीडा पुरस्कार मिळण्याची हि पहिलीच वेळ आहे. दोघीना मिळणाऱ्या शिवछत्रपती राज्य क्रीडा पुरस्कारामुळे रत्नागिरीची मान अधिकच उंचावली आहे.
महाराष्ट्र राज्यातील नामवंत सर्वोत्कृष्ट क्रीडापटू, क्रीडा मार्गदर्शक, ज्येष्ठ क्रीडापटू, क्रीडा मार्गदर्शक, संघटक, कार्यकर्ते व क्रीडा क्षेत्राशी संबंधित अशा ज्या व्यक्तींनी क्रीडा व खेळासाठी आपले सर्वस्व पणाला लावून आपले जीवन क्रीडा विकासासाठी व्यतीत करणाऱ्याचा महाराष्ट्र शासनातर्फे शिवछत्रपती राज्य क्रीडा जीवन गौरव पुरस्कार देऊन गौरव करण्यात येतो. यातून विविध प्रकारच्या खेळांमध्ये सातत्याने चमकणाऱ्या खेळाडूंचे कौतुक करणे आणि नवोदित, होतकरू खेळाडूंना उत्तेजन देणे हा उद्देश आहे.
सन 2019-20 वर्षासाठी खो-खोपटू आरती अनंत कांबळे हिची तर सन 2021-22 या वर्षासाठी अपेक्षा अनिल सुतार हिच्या नावाचे नामांकन राज्य निवड समितीने केले आहे. 22 मे नंतर राज्य शासानाच्या क्रीडा विभागामार्फत पुरस्कारांची अधिकृत घोषणा करण्यात येणार आहे. रत्नागिरीतील रा.भा. शिर्के प्रशालेच्या दोन्ही विद्यार्थींनी आहेत. यापुर्वी शिर्के प्रशालेच्याच ऐश्वर्या यशवंत सावंत हिलाही खो-खोतील उत्कृष्ट कामगिरीबद्दल शासानाचा शिवछत्रपती राज्य क्रीडा पुरस्कार प्राप्त झ्ला आहे. आता दोघींचे शिवछत्रपती राज्य क्रीडा पुरस्कारासाठी नामांकन झ्ल्याने जिल्ह्याच्या शिरपेचात मानाचा तूरा रोवला गेला आहे.
रत्नागिरीतील रा.भा.शिर्के प्रशालेत माध्यमिक शिक्षण घेत असताना आरती कांबळे हिने इयत्ता सातवीपासून खोखो खेळाला सुरुवात केली. शालेय स्पर्धातून सहभाग नोंदवत तीने तालुका, जिल्हा, राज्य, राष्ट्रीयस्तरावर चमकदार पद्धतीने खो-खो खेळून जिह्याचे नाव देशभारत पोहचवले आहे. खेळासोबतच एमए झ्लेल्या आरतीने आतापर्यंत सुमारे 60 ते 70 विविध स्पर्धांच्या माध्यमातून खोखो खेळात चमकदार कामगिरी केली आहे. तर तब्बल ६ राष्ट्रीय खो-खो स्पर्धांमधून महाराष्ट्राचे प्रतिनिधीत्व केले आहे. तर 4 फेडरेशन चषक स्पर्धेमध्येही तीने चमकदार कामगिरी केली आहे.
अपेक्षा सुतार हिचेही माध्यमिक शिक्षण रा. भा.शिर्के प्रशालेतूनच पूर्ण झ्ले आहे.पदविधर असलेल्या अपेक्षा सुतार हिने 4थ्या आशियाई खो-खो स्पर्धेत भारतीय खो-खो संघात प्रतिनिधित्व केले होते. तर नेपाळ काटमांडू येथे झ्लेल्या 13 व्या दक्षिण आशियाई स्पर्धेत भारतीय संघातून महाराष्ट्राचे नेतृत्व केले होते. शालेय स्तरापासून सुमारे 50 ते 60 विविध स्पर्धांच्या माध्यमातून अपेक्षाने विविध पारितोषिक पटकावली आहे. तर नुकताच तिने मानाचा राणी लक्ष्मीबाई पुरस्कार पटकावला होता. चार राष्ट्रीय खो-खो स्पर्धांमध्ये चमकदार कामगिरी करण्यासोबतच अपेक्षाने तीन फेडरेशन चषक स्पर्धेमधून उत्तम खेळ केला होता.
शिवछत्रपती राज्य क्रीडा पुरस्कारासाठी नामांकन झाल्याबद्दल राज्याचे उद्योगमंत्री तथा पालकमंत्री उदय सामंत, रत्नसिंधू योजना समितीचे सद्स्य प्रसिद्ध उद्योजक किरण सामंत, जिल्हा खो-खो असो.चे अध्यक्ष दत्तात्रेय उर्प बाळू साळवी यांनी आरती कांबळे, अपेक्षा सुतार यांच्यांवर कौतुकाचा वर्षावर करण्यात आला आहे.
