प्रतिनिधी / वेंगुर्ले
कोणीही कोठेही गेले तरी वेंगुर्लेतील सर्व पदाधिकारी, शिवसैनिक हे पक्षप्रमुख उद्धव ठाकरे यांच्या पाठीशी असल्याचे वेंगुर्ले शिवसेना तालुका प्रमुख यशवंत परब यांनी सांगितले. शिवसनेचे माजी गटनेते एकनाथ शिंदे यांनी बंड पुकारल्यानंतर व सावंतवाडी विधान सभा मतदार संघाचे आमदारही शिवसेनेच्या इतर आमदारांप्रमाणे भाजपच्या वाटेवर असल्याने वेंगुर्ले तालुका शिवसेनेने येथील तालुका संपर्क कार्यालयात बैठक घेवून वरीलप्रमाणे निर्णय घेतला. यावेळी शिवसेना उप जिल्हा प्रमुख सुनिल डूबळे, सचिन देसाई, तालुका प्रमुख यशवंत परब, उपतालुका प्रमुख उमेश नाईक, शहर प्रमुख अजित राऊळ, युवासेना प्रमुख पंकज शिरसाट आदी उपस्थित होते.#ta
