गडकिल्ल्याच्या संवर्धनासाठी शिवप्रेमी आक्रमक झाले आहेत. गडकिल्ल्यांसाठी स्वतंत्र महामंडळ स्थापन करा अशी मागणी शिवप्रेमींनी केली आहे. मंत्र्यांच्या बंगल्याला किल्लांचे नावं देता मग गड संवर्धनाची जबाबदारी का घेत नाहीत असा सवाल शिवप्रेमींनी केला आहे. मुंबईतील छत्रपती शिवाजी महाराज टर्मिनस मुंबई येथे शिवप्रेमी आणि गडप्रेमींकडून आंदोलन करण्यात येत आहे.
दरम्यान, घटनास्थळी पोलिसांचा मोठा फौजफाट तैनात करण्यात आला आहे. यावेळी पोलिसांनी बॅरिगेट्स लावून आंदोलकांना अडवण्याचा प्रयत्न केला. मात्र आक्रमक झालेले आंदोलक मुख्यमंत्र्यांच्या बंगल्याकडे जाण्यास ठाम आहेत.राजकारणासाठी छत्रपती शिवाजी महाराजांचं नाव घेता तर मग तुम्हाला शिवाजी महाराजांच्या गडकिल्ल्यांच्या संवर्धनासाठी वेगळं महामंडळ स्थापन करावेच लागेल अशी मागणी शिवप्रेमींनी केली आहे.
