बेळगाव : एसकेई सोसायटीच्या जीएसएस कॉलेजमध्ये छ. शिवाजी महाराज यांची जयंती उत्साहात साजरी करण्यात आली. प्रमुख पाहुणे म्हणून संस्थेचे चेअरमन किरण ठाकुर, व्हा. चेअरमन एस. वाय. प्रभू, प्राचार्य बी. एल. मजुकर, आरपीडीचे प्राचार्य डॉ. अभय पाटील तसेच पदवीपूर्व कॉलेजचे प्राचार्य, प्राध्यापक उपस्थित होते. प्रारंभी ग्रंथालयानजीक उभारण्यात आलेल्या शिवरायांचे मूर्तीचे अनावरण किरण ठाकुर यांच्या हस्ते करण्यात आले. त्यांनी छ. शिवरायांबद्दल आपले विचार मांडून शिवरायांच्या कार्याचा आढावा घेणारे पुस्तक ग्रंथालयास भेट दिले. दुपारी 3 वाजता के. एम. गिरी सभागृहात ‘छत्रपती’ हा सांस्कृतिक कार्यक्रम झाला. याप्रसंगी प्राचार्य बी. एल. मजुकर, जिमखाना चेअरमन हलगेकर व सर्व प्राध्यापक उपस्थित होते. विद्यार्थ्यांनी भाषण, गायन, नृत्य, काव्य वाचन, पोवाडा आदी कार्यक्रम सादर केले. याचे आयोजन विद्यार्थी प्रतिनिधी राठोडकर, सांस्कृतिक विभाग प्रमुख प्रा. विनया पित्रे, मराठी विभाग प्रमुख प्रा. सोनाली कांगले यांनी केले. सूत्रसंचालन काजल व वेदांगी यांनी केले. सांस्कृतिक विभागाचे सचिव दिव्या चव्हाण हिने आभार मानले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
