मराठा जागृती निर्माण संघातर्फे शिवजयंती

बेळगाव : मराठा जागृती निर्माण संघातर्फे लिओ इंजिनिअर्स आनंदनगर-वडगाव येथे शिवजयंती साजरी करण्यात आली. सिद्धिविनायक मंदिराचे अध्यक्ष व उद्योजक जीवानंद पाटील, माजी अध्यक्ष गंगाराम काजोळकर यांच्या हस्ते शिवप्रतिमेला पुष्पहार अर्पण करून दीपप्रज्वलन करण्यात आले. यानंतर शिवरायांची आरती म्हणण्यात आली. शिवरायांचा जीवनपट या पत्रकाचे वितरण करण्यात आले. याप्रसंगी संघाचे प्रमुख गोपाळराव बिर्जे यांनी शिवरायांबद्दल आपले विचार व्यक्त केले. स्वागत प्रा. सोनाली बिर्जे यांनी केले. याप्रसंगी बहुसंख्य शिवप्रेमी उपस्थित होते.