‘सुखी’मध्ये शिल्पा शेट्टी

अभिनेत्री शिल्पा शेट्टी पुन्हा एकदा अभिनयाद्वारे लोकांचे मनोरंजन करण्यासाठी मोठ्या पडद्यावर परतणार आहे. अभिनेत्री सध्या स्वत:चा आगामी चित्रपट ‘सुखी’वरून चर्चेत आहे. या चित्रपटाचा ट्रेलर प्रदर्शित करण्यात आला असून याला चाहत्यांची मोठी पसंती मिळत आहे. 38 वर्षीय सुखप्रीत म्हणजेच सुखीच्या जीवनाची कहाणी या चित्रपटाद्वारे दर्शविली जाणार आहे. सुखी ही व्यक्तिरेखा स्वत:च्या कुटुंबाच्या गरजा पूर्ण करताना स्वत:चे व्यक्तिमत्व गमावून बसत असल्याचे दाखविण्यात आले आहे. एकेदिवशी सुखी स्वत:चे जीवन वेगळ्या प्रकारे जगण्याचा विचार करते आणि कुटुंबाला काही दिवसांसाठी सोडून दिल्लीत मैत्रिणींकडे पोहोचत असल्याचे ट्रेलरमध्ये दिसून येते. हा चित्रपट प्रेक्षकांना 22 सप्टेंबरपासून पाहता येणार आहे. चित्रपटात शिल्पा शेट्टीसोबत कुशा कपिला, दिलनाज इराणी, पवलीन गुजराल आणि चैतन्य चौधरी हे कलाकार दिसून येणार आहेत. या चित्रपटाची निर्मिती भूषण कुमार, कृष्ण कुमार, विक्रम मल्होत्रा अन् शिखा शर्मा यांच्याकडून करण्यात आली आहे. तर चित्रपटाचे दिग्दर्शन सोनल जोशी यांनी केले आहे.