राष्ट्रीय भालाफेकीत शशांक पाटीलला सुवर्ण

बेळगाव : कर्नाटक राज्य अॅथलेटिक संघटना आयोजित अॅथलेटिक फेडरेशन ऑफ इंडिया इंडियन ग्रॅन्ड प्रिक्सतर्फे झालेल्या भालाफेक स्पर्धेत बेळगावच्या लिंगराज कॉलेजचा व युवजन क्रीडा खात्याचा खेळाडू शशांक पाटीलने सुवर्णपदक पटकाविले. बेंगळूर येथील केंगेरीसाई स्टेडियमवरती झालेल्या निमंत्रितांच्या भालाफेक स्पर्धेत भारतातील अव्वल थ्रोवर्सनी भाग घेतला होता. भालाफेक स्पर्धेत बेळगावच्या शशांक पाटीलने शेवटच्या फेकीत 74.67 मी. भालाफेक करुन सुवर्णपदक पटकाविले. बेनेन अँथोनीने 72.20 फेक करुन रौप्य, अमितकुमार यादवने 65.44 फेक करीत कांस्य पदक पटकाविले. नुकत्याच झालेल्या ऑल इंडिया इंटर युनिव्हर्सिटी स्पर्धेत शशांकने रौप्य पदक पटकाविले होते. त्याला अॅथलेटिक प्रशिक्षक संजीव नाईक, बसवराज भुसन्नावर, मधुकर देसाई यांचे मार्गदर्शन लाभत आहे. युवजन क्रीडा अधिकारी बी. श्रीनिवास यांचे प्रोत्साहन लाभत आहे. शशांक पाटील हा खानापूर तालुक्यातील चुंचवाड गावचा शेतकरी घरण्यातील खेळाडू आहे. त्याला वडील गंगाधर पाटील यांचे प्रोत्साहन लाभत आहे.