साखर कंपन्यांचे समभाग झाले अधिक गोड

मुंबई : गुरुवारच्या शेअर बाजारातील सत्रात साखर कंपन्यांचे समभाग जवळपास 14 टक्के इतके वाढले होते. उत्तम शुगर मिल्सचे समभाग बाजारात 14 टक्के वाढत 347 रुपयांवर पोहचले होते. यासोबत उगार शुगरचे समभाग 8 टक्के वाढीसह 131, धामापूर शुगर मिल्सचा समभाग 6 टक्के वाढीसह 286 रुपयांवर बाजारात व्यवहार करत होता. या समभागांनी 52 आठवड्यानंतर उच्चांकी दरावर मजल मारलेली पाहायला मिळाली. अवध शुगर, दालमिया भारत शुगर, बजाज हिंदुस्थान शुगर, द्वारकीश शुगर इंडस्ट्रीज, रेणुका शुगरचे समभागही तेजीत होते.