जेटीएल इंडस्ट्रिजचा समभाग चमकला

मुंबई : मल्टीबॅगर या प्रकारात येणाऱ्या जेटीएल इंडस्ट्रिज लिमिटेड या कंपनीचा समभाग  गुरुवारी शेअरबाजारात विक्रमी स्तरावर पोहचला होता. लोहखनिज आणि पोलाद उत्पादनांच्या क्षेत्रात कार्यरत कंपनीने सप्टेंबरअखेरचा नफ्याचा निकाल जाहीर केला आहे. नफ्यात 37 टक्के वाढ नोंदवली असून याचा परिणाम शेअरबाजारात समभागावर गुरुवारी दिसला. समभाग बीएसईवर इंट्रा डे दरम्यान 3 टक्के इतका वाढत 242 रुपयांच्या विक्रमी टप्प्यावर व्यवहार करताना दिसला. याआधीच्या सत्रात जेटीएलचा समभाग 234 रुपयांवर बंद झाला होता.