बेळगाव : बेळगाव उत्तरचे आमदार असिफ सेठ यांनी मतदारसंघातील विविध विकासकामांना चालना दिली. आझमनगर, रुक्मिणीनगर व बसवण कुडची येथील गटारी, भूमिगत सांडपाणी वाहिन्या तसेच इतर कामांचा शुभारंभ करण्यात आला. महानगरपालिका हद्दीतील बसवण कुडची येथे मागील अनेक दिवसांपासून गटारीची मागणी होत होती. नगरसेवक बसवराज मोदगेकर यांच्या प्रयत्नातून व आमदार असिफ सेठ यांच्या फंडातून येथील कामांचा शुभारंभ करण्यात आला. अनेक दिवसांपासून असलेली मागणी अखेर पूर्ण झाल्याने नागरिकांमधूनही समाधान व्यक्त करण्यात आले. त्याचबरोबर रुक्मिणीनगर येथेही गटारी तसेच इतर कामांचा शुभारंभ झाला. आमदारांनी घेतलेल्या जनता दरबारामध्ये नागरिकांनी यासंदर्भात तक्रारी केल्या होत्या. या तक्रारींची दखल घेऊन विकासकामे राबविली जात आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
