अपघातात वधू-वरासह सात जणांचा मृत्यू

लखनौ :

उत्तर प्रदेशातील बिजनौरमध्ये शनिवारी सकाळी टेम्पो आणि कारमध्ये धडक झाली. या अपघातात वधू-वरांसह 7 जणांचा रस्ता अपघातात मृत्यू झाला. काही लोक जखमीही झाले असून, त्यांना ऊग्णालयात दाखल करण्यात आल्याचे पोलिसांनी सांगितले. प्राथमिक तपासात कारमधील प्रवासी बिहारहून बिजनौरला निकाह समारंभातून परतत होते, असे निदर्शनास आले आहे. या अपघातप्रकरणी टेम्पोचालकाला पोलिसांनी ताब्यात घेतले असून दोन्ही वाहनेही जप्त केली आहेत.