पेडणे : तेरेखोल नदीतून बेकायदेशीरपणे वाळू उपसा केल्याप्रकरणी पेडणे पोलिसांनी सात जणांवर गुन्हा दाखल करून सात जणांना अटक केली आहे. त्यात दोघेजण रेती उपसा व्यावसायिक असून पाचजण कामगार आहेत. तेरेखोल नदीत बेकायदेशीरपणे रेती उपसाप्रकरणी मंगळवारी पहाटे रेती कामगारांवर बंदुकीने गोळीबार झाला होता. त्यात दोघे कामगार जखमी झाले होते पेडणे पोलिसांनी रॉबर्ट आग्नेल फर्नांडिस (वय 46 वर्षे, खजने-पोरस्कडे), अशोक श्रीधर मुळगावकर, (वय 48 वर्षे, पोरस्कडे) या दोघा रेती उपसा व्यावसायिकांना अटक केली आहे. तसेच सोनेलाल बनील चौधरी (वय 25 वर्षे), मुन्ना पंचा बिन (वय 38 वर्षे) सोनू कुमार (वय 30 वर्षे), विकास पंचा बिन (वय 31 वर्षे), योगेंद्र पंचा चौधरी (वय 30 वर्षे) या रेती उपसा करणाऱ्या कामगारांना अटक केली आहे. हे सर्व कामगार मूळ बिहार राज्यातील भोजपूर येथील आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
