सेन्सेक्स 107 नुकसानीत : एनटीपीसीचे समभाग 4 टक्क्यांनी तेजीत
वृत्तसंस्था / मुंबई
भारतीय भांडवली बाजारातील सप्ताहाच्या अंतिम सत्रात शुक्रवारी बीएसई सेन्सेक्स व एनएसई निफ्टी यांचे निर्देशांक प्रभावीत होत बंद झाला आहे. विविध घडामोडींच्या प्रभावामुळे शुक्रवारी बाजारात मोठ्या प्रमाणात उलथा पालथ झाल्याचे दिसून अहाले आहे. यावेळी एनटीपीसीचे समभाग हे सर्वाधिक 3.76 टक्क्यांची तेजी नोंदवण्यात आली होती.
दिग्गज कंपन्यांच्या मदतीने अंतिम सप्ताहात शुक्रवारी सेन्सेक्स 106.62 टक्क्यांनी प्रभावीत होत निर्देशांक 66,160.20 वर बंद झाले आहेत. निफ्टीमध्ये 13.85 अंकांनी प्रभावीत होत निर्देशांक 19,646.05 वर बंद झाला आहे. याच दरम्यान एनटीपीचे समभाग हे सर्वाधिक म्हणजे 3.76 टक्क्यांनी वधारुन बंद झाले. तर पॉवरग्रिडचे समभाग हे 3.03 टक्क्यांनी वाढले आहेत. यासोबतच बजाज फिनसर्व्हचे समभाग हे दोन टक्क्यांनी नुकसानीत राहिले होते.
बीएसई सेन्सेक्समध्ये एनटीपीसीचे समभाग हे सर्वाधिक 4.11 टक्क्यांनी वधारले आहेत. यासह पॉवरग्रिडचे समभाग हे 3.09 टक्क्यांनी तेजीत राहिले. तर महिंद्रा अॅण्ड महिंद्रा, जेएसडब्लू स्टील, बजाज फायनान्स, रिलायन्स इंडस्ट्रीज, एशियन पेन्ट्स, आयटीसी, टाटा स्टील, नेस्ले इंडिया, आयसीआसीआय बँक आणि हिंदुस्थान युनिलिव्हरचे समभाग तेजीत राहिले आहेत.
सेन्सेक्समध्ये एचडीएफसी बँक, बजाज फिनसर्व्ह, टाटा मोर्ट्स, टीसीएस, एचसीएल टेक, अॅक्सिस बँक, टेक महिंद्रा बँक, इंडसइंड बँक, मारुती सुझुकी, इन्फोसिस, टायटन आणि लार्सन अॅण्ड टुब्रो यांचे समभाग हे प्रभावीत होत बंद झाले.
मुख्य कंपन्यांच्या मदतीने शुक्रवारी पॉवर अॅण्ड रियल इस्टेट या क्षेत्रांचा निर्देशांक 2-2 टक्क्यांनी वधारला आहे. यासह धातू, कॅपिटल गुड्स व हेल्थकेअर यांच्या क्षेत्रांचीही सकारात्मक कामगिरी राहिली असल्याचे दिसून आले. यावेळी बँकिंग, ऑईल अॅण्ड गॅस आणि आयटीसीचे समभाग यांच्यात विक्री झाली होती.
रुपया घसरणीत
अमेरिकन डॉलरच्या तुलनेत रुपया 31 पैशांनी घसरुन 82.25 वर बंद झाला आहे.
